Вальшчык лесу
Небяспечныя, бясспрэчна,
сосны пры сваім падзенні.
Вальшчыкам быць небяспечна –
і ў шматслойным ён адзенні.
Боты цяжкія. Устаўкі
ў ботаў металічныя.
Тыя ўстаўкі, майстар валкі,
для цябе нялішнія.
Пад аховай вочы, вушы.
Пад аховай галава.
Цішыню ў бары парушыць –
будзе дрэва пілаваць.
Паляцяць убок апілкі,
завішчыць бензапіла –
пень пакіне напамінкам
пра сасну, што тут была.
Штурхане – і пахіснецца
ды паваліцца сасна.
Зрэзаная, будзе з лесу
вывезеная яна.
Небяспечна, безумоўна,
як сасна піле паддасца.
Вальшчыкам быць рызыкоўна –
і ў надзейнай хлопец касцы.