Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Ваша станцыя, сябар...

Сярэдняя: 2 (4 галасоў)

...... "Почему же в конце всем так хочется
жить?"(Александр Волосников)

"Ваша станцыя, сябар, пара адпачыць!" —
мне гавораць пачуцці мае і ўрачы.
А я ўпарта не веру, смяюся: "Мана!"
і дзіўлюся на зоркі ў акне давідна.

Дадаюць мне: "Выходзь! Твой завершаны
шлях!"
Мо і так. Ды пакуль я, зняволены птах,
не наслухаўся спеваў начных салаўя,
не дапета апошняя песня мая.

Падганяюць: "Спяшай! Бо зляціш пад адхон!
Паглядзі, як хістае на стыках вагон!
Я ж лунаю з анёлам у цемры начэй,
і мне светла ад сонца анёльскіх вачэй.

Мне прарочаць благое — страшэнны канец.
А я добрага прагну з мальбою: "Тварэц!
Дай яшчэ на світанне зірнуць мне стакроць
і праславіць хвалою Цябе, о Гасподзь!

Не гані мой цягнік у таявы палі!
Я пакуль не даспеў да сыходу з зямлі!
Дай спаўна наглядзецца на цуды жыцця,
перш, чым рэйкі звярнуць у нябёсны працяг!"

22.06.2014



так, трымацца, з усёй моцы,

так, трымацца, з усёй моцы, як мага далей.