Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Вось падхапілі мары-крылы...

Сярэдняя: 5 (1 голас)
Вось падхапілі мары-крылы
(Так, можа, толькі ў сне лятаў),
I я падняўся ўвысь на хвілю
I ў светлай хмарцы
                             кропляй стаў.

I вось ужо набракла хмарка.
Спрабуй, бяскрылы, ўніз зірні!..
Зямля ляціць насустрач шпарка..
Як страшна падаць з вышыні!

Ніхто не бачыў першай кроплі —
Ушчэнт разбілася аб дол.
Расліны ссохлыя прамоклі,
Павесялела ўсё вакол.

Гудзе, буяе ў садзе квецень
У звонкім ззянні кропель-рос.
...Ніхто, напэўна, не прыкмеціў,
Як падаў я аж з-пад нябёс.