Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Я бываў у далёкіх землях

Сярэдняя: 5 (1 голас)

Я бываў у далёкіх землях
Намагаўся глядзець ўпярод
Толькі ўсё ж прываротным зеллем
Зноў да родных вяло варот

Зноў іду я па роднай вуліцы
Дзе хадзіў трыццаць год таму
Да мясцін гэтых сэрца туліцца
Толькі дзіўна табе – чаму

А табе не пабачыць гэтага
Што праз сэрца наскрозь прайшло
На лугах, ў якіх хлопцам бегаў я
Пустазелле даўно прарасло

А табе не пачуць, што чуецца
Мне, як выйду я ў дзедаў сад
Нібы хтось да касьбы рыхтуецца
I звініць аб брусок каса

Як табе зразумець галоўнае
Хоць па свету я шмат прайшоў
А пад месяца промні поўнага
Што шукаў – раптам тут знайшоў