Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Я з далёкіх часоў...

Сярэдняя: 5 (3 галасоў)

Я з далёкіх часоў
Вашых светлых вачэй
Адчуваю цяпло, змагары!
Стала менш ланцугоў,
Ды не стала лягчэй,
Мы хапаем святло,
Як звяры.

Злосным рухам рукі
Адпіхнулі крыжы,
Наступілі нагой на абраз,
I балотам з ракі,
I саляркай з мяжы
Напаўняецца мой
Чорны час.

Мне б аб кветках спяваць
Над крынічнай вадой.
Слухаць птушак тваіх
Звонкі грай.
Ды пад сэрцам гараць,
Палымнеюць з душой
Гукі песень другіх,
Родны край!

Я — віноўнік ці не?
Мне ж у вочы — пяском,
Мне ж у вушы бурды
Налілі.
У агульнай віне
Я рабіўся рабом
Бездухоўнай хады
Па зямлі.
Час настаў, і цяпер
Буду гнеўна клясці
У сабе я раба
І душыць.

Я — не раб!
Я — не звер!
А вакол барацьба,
Без якой у жыцці
Не пражыць...