Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

За неба рысай

Сярэдняя: 4.5 (4 галасоў)

За неба далёкай рысай –
Вялікі, дрымучы лес,
Жылі там на дрэвах рысі,
Мядзведзь праз гушчарнік лез.

Драмалі ваўкі маўкліва
I снілі пад ветру спеў
Калматыя коней грывы
I цесны авечы хлеў.

А потым на ўзлеску вылі,
Ім сумна, відаць, было,
Што зграяй ніяк кабылу
Не выгналі за сяло.

...З-за неба вячэрняй рысы
Цягнік затрымцеў струной,
Успоўз на пагорак лысы
I рынуўся ўніз галавой!