Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Захапляе-заварожвае...

Сярэдняя: 4.6 (31 голас)

Захапляе-заварожвае
Пушчаў, рэк, азёр зямля…
Ах, якая ты прыгожая,
Беларусь мая!

Між Літвою, Украінаю…
Для ўсіх нацый ты свая…
Ах, якая ты гасцінная,
Беларусь мая!

Дыхту ўсім давала ворагам —
Зблізку лезлі ці здаля…
Ты адвеку непакорная,
Беларусь мая!

Годна, чынна між народамі
свой пасад ты заняла…
Сёння — вольная, свабодная
Беларусь мая!

Песня ў садзе салаўіная…
Не стрымаць мне пачуцця…
Ты да болю сэрцу мілая,
Беларусь мая!

У бары зязюляй казана
Доля светлая твая…
Пра цябе шмат песень складзена,
Хай гучыць яшчэ й мая!



вельмi прытарна... нават

вельмi прытарна... нават непрыемна

Разумею. "Пятай калоне"

Разумею. "Пятай калоне" падавай бэшчанне "зямлі пад белымі крыламі". Не пайшло тут так, як жадалася "нашым"...