Як маленькую сяброўку,
Ляльку любіць Лена.
Грэбнем чэша ёй галоўку.
I мые сукенку.
То пагушкае на ручках,
То пацешыць байкай —.
Як у лесе у дрымучым
Заблудзіўся зайка.
Ляльцы ловіць матылёчка.
Шапачкай сваёю.
Праз шнурочак-паясочак
Скача перад ёю.
Спаць паклаўшы паміж кветак
У цянёк духмяны,
Ёй з пясочку шмат катлетак
Напячэ румяных.
За турботамі, за працай
Так і дзень мінае,
А самой пазабаўляцца
Часу не хапае.