Той свет, што навокал мяне існуе,
Ён ззяе вясёлкай і птушкай пяе,
Ён смела ляціць вадападам з гары,
Звіваючы дні як струмені ў віры.
Усмешкаю грае ён сотні хвілін,
І я падзялюся настроем сваім
З усімі, хто зараз навокал мяне,
Хай кожнага радасць жыцця закране.
Любіце Зямлю і яе жыхароў!
Букеты складайце з квітнеючых слоў!
Хай песні пакрыюць і горы, і дол.
Жыццё – гэта мы, гэта ўсё навакол.