Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі
Галоўная

Таццяна Тамашэвіч

h

Яшчэ не ацэнена

25.08.2024 Нядзеля
Пане, я ў лучнасці з Табою.
Пане, я кахаю Цябе.
Сэрца пранізана самотай і болем.
Я знітаваная ў дзён барацьбе.

Сумны ружанец, адвечны і цудны.
Сумная повязь журлівых часоў.
Вымый мяне ад гвалтоўнага бруду.
Каменнем змерай жоўты пясок.

Светлая радасць дыхання з Табою.
Светлае шчасце самоты й тугі.
Ты, Пане, святасць з пяшчотай і болем.
Ты адплаціў за самоту й даўгі.

Пане, я ў лучнасці з Ружанцам і Крыжам.
Пане, Ты ў сэрцы жывы і святы.
Ты маёй думкі аснова і стрыжань.
Пан мой, надзея мая – гэта Ты.

Маей маці

Сярэдняя: 5 (1 голас)

* * *
Маей маці

Водар клёну і фіялкі,
Тонкай шыі мяккі згіб –
У дні сягодняшнім ад малку
Быццам вобраз твой адліт.

Твае рукі пахнуць светам,
Вочы срэбнаю расой.
Ты зімой як краска лета,
Песня шчасця нада мной.

Я ж ніколі не паклічу:
Мама! Мама!.. я не лед,
Толькі яркай, стромкай знічкай
Не зламіць мне часу гнёт.

Мама, мама дарагая!..
Клён, фіялка, тонкі згіб…
Я жыцця твойго не знаю,
Шлях твой ад мяне закрыт.

Невымоўным ціхім ценем
Ты вартуеш мой спакой.
Як жа многа не паспелі
Мы сказаць адна адной.

Адзінокай, кволай веткай
Прарастаю з-пад зямлі,
Да нябес гляджу нярэдка:
Кажуць зоркай стала ты.

Самота. Боль. Спатканне.

Яшчэ не ацэнена

25.08.2024Нядзеля Ксяндзу Арыю Малыска
Самота. Боль. Спатканне.
Ціхая мова Душы.
Я прагну, мой Езу, трывання.
Я прагну больш не грашыць.

Самота. Дыханне. Малітва…
Ружанец жывы і святы,
З д’яблам жорсткая бітва,
І сум адзіноты – Ты…

Чаканне, трыванне і смутак,
Халодны, няўрымслівы плён.
Мой Езус – жыццё і падмурак.
Малітва зрушае праклён.

Дыханне, святое натхненне,
Самота Кахання і Крыж.
Целам Любві наталенне.
Любоў мая, веру ствары.

Я моцна кахаю Вас, Езу…
Я разумею святло.
Пахучая кветка бэзу.
Душы маёй й веры цяпло.

Самота. Боль. Жаданне
Крыжа і Мукі з Табой.
Святое Душы Каханне –
Мой сумны пякучы агонь.

Сэрца адкрытае людзям…

Яшчэ не ацэнена

Сэрца адкрытае людзям…
Рука, што вядзе ў нябёсы.
Сонца і радасць будзе.
Твой позірк, Хрысце, узнёслы.

Светлае сэрца пытае
Задумаў маіх душою.
Ці будзе з грахом растанне?
Малітва святою Імшою.

Радасць, і боль,і жаданне
У вечнасці быць з Табою.
Д’яблу не падданне,
Малітва становіцца боем.

Светлае шчасце пачуцця.
Каханне, Хрысце, Тваё.
Аддацца душою пакуце.
Каханне жывое маё…

Сэрца, адкрытае болем.
Трыванне святое Крыжа.
Ты даў мне свабоду і волю.
Няўжо я і праўда Твая Ружа?

Кветка кахання ў вечнасці,
Дыханне пялёсткаў Душы.
Прага быць чалавечнаю.
Прага і боль. За ўсё адкажы.