Неба хмарныя сутонні
выліваюць смутку тоны,
і ў імжы халоднай тоне
дзень захмураны і сонны.
Кроплі ціха шапацелі,
на зямлю яны ляцелі,
нібы штось сказаць хацелі.
Вецер ім пад ногі сцеле
на зямлі асенняй целе
жоўталістыя пасцелі.
Заўтра неба праяснее
і задумаецца неяк.
Знікне кропель пошум ціхі,
і туга нябёс аціхне...
Асенні дожд перад праясненнем
Асенні дожд перад праясненнем павінен змыць увесь бруд...