Дагарэў за брамай небакрай,
Месяц паміж воблачкаў плыве.
Выйду зноў, як у мінулы май,
Басанож прайдуся па траве.
Дымная, сцюдзёная раса,
Цёмныя ў траве ад ног сляды.
А такога рослага аўса
Я не бачыў доўгія гады.
Бач, хмызы спляліся, як павець,
Светлякі мігцяць, гараць святлей.
Перад тым як звонка ў лозах пець,
Прачышчае горла салавей.
Лашчыцца трава да босых ног.
З дальніх паплавоў плыве ракой
Ледзь прыкметны сумны халадок —
Подых юні ўходзячай маёй.
Паімчаць за ёю наўздагон? —
Хоць і схопіш — усё адно падман.
Дзе каханне тых мінулых дзён —
Весніх паркаў бэзавы туман?
Нават шкадаванне — дзе яно?
Зноў вясна, і жаль знікае зноў.
(Так губляюць пах перад вясной
Ссохлыя сцябліны палыноў.)
Ціха цмокае у сне рака.
О, як добра, як прыгожа жыць!
Раска, як русалчына луска,
На вадзе ад месяца гарыць.
А вакол травіцы роснай рай
I бярозак белая сям'я.
Мой чароўны беларускі край,
Бацькаўшчына светлая мая!
Вельмi прыгожы верш!!! Мы
Вельмi прыгожы верш!!! Мы вывучаем на уроку бел.лiт
Вельмi прыгожа.
Вельмi прыгожа.
ps...Забыўся падпісаць
ps...Забыўся падпісаць папярэдні каментар
Франак Нырка
Гэта безумоўна пяшчотны і
Гэта безумоўна пяшчотны і прыгожы верш.
Але толькі дзеля тых, хто дасканала ведае сэнс кожнага слова і ўсяго верша цалкам.
Каб гэтыя веды былі, трэба ня толькі праз гэта прайсці, але неаднойчы сустракацца ў сваім жыцці з гэтымі выразамі ад іншых людзей. Крамя гэтага аўтару, безумоўна выдатнейшаму пісьменніку, на мой погляд, не зусім атрымалася пазбавіцца сваех пісьменніцкіх звычак.
Гэта у прозе можна удакладняць сэнс па некалькі слоў на адной старонке праз сноскі, не прытрымліваючыся пачаткова ўзятага рытму. У вершах кожнае незразумелае адразу слова занадта дорага абыходзіцца. Яно апраўдана хіба што як выключэнне з правіла.
Каб было зразумела, чаму такі вялікі каментар патлумачу абставіны яго напісання.
ГЭТЫ ВЕРШ ПРАПАНАВАНА ВЫВУЧЫЦЬ І ПРААНАЛІЗАВАЦЬ З АДКАЗАМІ НА НЕ ПРОСТЫЯ, ДАРОСЛЫЯ ПЫТАННІ, НАДРУКАВАНЫЯ НА ПАЎТАРЫ СТАРОНКІ ДРОБНАГА ШРЫФТА дзесяцігадовым гарадскім дзеткам, вучням пятых класаў!!! Калі б мяне спыталі, як знічтожыць імкненне да вывучэння роднай мовы, дык я б прапанаваў менавіта такія школьныя заданні
очень нежный и красивый
очень нежный и красивый стих!!:)