Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Чараваць цябе, чараваць

Сярэдняя: 5 (10 галасоў)

Ты пакліч мяне. Пазаві...
Я.Янішчыц

Чараваць цябе, чараваць
Кожным словам і кожным позіркам!
Называць цябе, называць
Салавейкам і Ясным Сонейкам!

Цалаваць цябе, цалаваць -
Пацалункі ляцяць, як буслікі!
Мілаваць цябе, мілаваць,
Мой няўрымслівы, мой спакуслівы!

Танцаваць з табой, танцаваць
Пад пяшчотную песню вечнасці!
Не аддаць цябе, не аддаць
Небяспечнасці, недарэчнасці!

Напаўняць цябе, напаўняць
Чысцінёю - вадой крынічнаю!
Удыхаць цябе, удыхаць
Асалодаю таямнічаю!