1.
Спякотамi, грымотамi
Пранеслася жнiво.
Глядзiце, людзi добрыя,
На гэта хараство !
Вось ён - з мучыцы свежанькай
Духмяны каравай !
Дык чарку «Белавежанькi»
Да краю налівай !
Прыпеў:
- Дажыначкi, дажыначкi -
Звініць, пяе вышынь ! -
Як песня над краiначкай
Сялянскае душы !
Дажыначкi, дажыначкi –
Паўнюсенькі абрус !
Сваіх гасцёчкаў міленькіх
Частуе Беларусь !
2.
А жнiвеньскае сонейка
Дажынкi залацiць.
Папрацавалi добранька,
Каб лепей разам жыць.
Нябёсачкi блакiтныя
Iльюць вакол спакой.
Святкуй, Радзiма мiлая,
Працоўны гонар свой !
Прыпеў.