Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Калі сэрца тугой шчымела

Сярэдняя: 4.4 (53 галасоў)

Калі сэрца тугой шчымела,
Бо яму святла не хапала, --
Да мяне заходзіў нясмела
Летуценнік Янка Купала.

Калі я, прыгнечаны нечым,
Забываўся на ўласны голас, --
Мне расправіць прыходзіў плечы,
Па-бацькоўску, Якуб Колас.

Часам, хворы, шукаў адхлання
На мяжы небыцця і свету, --
І гучалі, як апраўданне,
Багдановічавы санеты.

А калі мне мой лёс адчайна
Пад надзеямі крэсліў рысу, --
Сустракаўся за шклянкай чаю
Я ў кавярні з Толікам Сысам.



Добрыя вершы.Як аворыцца "ад

Добрыя вершы.Як аворыцца "ад душы".Хацелася б пабачыць і іншыя Вашыя творы.

Нельга параўноўваць Сьвятое з

Нельга параўноўваць Сьвятое з Распустаю (Купалу і Сыса). Гэта грэх.

"Госьць, Вт, 10/18/2011 -

"Госьць, Вт, 10/18/2011 - 16:28.
Нельга параўноўваць Сьвятое з Распустаю (Купалу і Сыса). Гэта грэх."

1."Госць" - па-стараму, гэта Іншаземец,госць з чужынскай краіны.
2. "Параўноўваць" можна і патрэбна ЎСЁ. Калі хочацца...
3.Што такое "сьвятое" і што такое "распуства" кожны абзывае сваёй асабістай "МЕРКАЙ"
... о! колькі "мерак" на Зямлі... мільярды... таму і спрэчкі з мордабіццямі...

Госць гэта стары сінонім

Госць гэта стары сінонім замежнага гандляра.

Здаецца мне, што наўрад ці

Здаецца мне, што наўрад ці Сыс піў чай у кавярні... Хаця... :-)

Не называй "распустаю"

Не называй "распустаю" нікога,
Але й святым нікога не лічы,
Бо ўсе мы - людзі, створаныя Богам, -
Яшчэ блукаем ценямі ўначы.

І,можа,нехта вырваўся наперад,
А хтось другі ад большасці адстаў,
Але ж усім праходзіць шлях да Веры,
Да разумення Духа хараства.

Тут,у зямным чысцілішчы для грэшных,
Няма святых - не трэба і шукаць...

А шлях людскі - гасцінец несуцешны -
То горны схіл, то бездань альбо гаць...

www.lightynna.ru