Родная мова

Уваход

Апошнія водгукі

Про весну на белорусской мове

25.04.2022 - 16:22
Падтрымлiваю!

21.04.2022 - 20:49
Дзякуй...

06.04.2022 - 16:46
Владик.. чётко

17.03.2022 - 23:42
Вельмі моцна, як у Кастуся!!!

15.03.2022 - 23:45
круть

02.03.2022 - 19:58
топ

02.03.2022 - 19:57
Я так шчаслівая сёння за

25.02.2022 - 04:19
23

23.02.2022 - 21:06
І нават калі цалкам без

14.02.2022 - 10:34
Жыві для мяне, тваё імя

14.02.2022 - 10:33
Спасибо, что был. Что остался

27.01.2022 - 09:06
Супер! Вельмі спадабаўся верш

26.01.2022 - 22:30
Добры верш на беларускай

25.01.2022 - 16:27
Вельмi мiлагучны, ёмкi i

24.12.2021 - 16:39

усе водгукі

Раiм наведаць

Каб дадаць спасылку
на Ваш сайт, пiшыце ў
зваротную сувязь

Лічыльнікі

Дадаць верш

Кажуць, мова мая аджывае
Век свой ціхі: ёй знікнуць пара.
Для мяне яна вечна жывая,
Як раса, як сляза, як зара.
Гэта ластавак шчабятанне,
Звон світальны палескіх крыніц,
Сінь чабору, і барвы зарніц,
І буслінае клекатанне.
Калі ж хто загадае: "Не трэба!" —
Адрачэцца ад мовы народ, —
Папрашу я і сонца, і неба:
Мне не трэба ні славы, ні хлеба,
Асудзіце на безліч нягод.
Толькі месяцаў назвы пакіньце,
Назвы родныя роднай зямлі,
Пра якія з маленства ў блакіце
Бор шуміць і пяюць жураўлі:
Студзень — з казкамі снежных аблокаў,
Люты — шчодры на сіні мароз,
Сакавік — з сакатаннем і сокам
Непаўторных вясновых бяроз,
Красавік — час маланак і ліўняў,
Травень — з першым каханнем, сяўбой,
Чэрвень — з ягаднаю зарой,
Ліпень — з мёдам,
З пшаніцаю — жнівень,
Спелы яблычны верасень,
Светлы кастрычнік
У празрыстасці чыстай, крынічнай,
Лістапад — залаты лістапад,
Снежань — першы густы снегапад...
Ці плачу я, ці пяю,
Ці размаўляю з матуляю —
Песню сваю, мову сваю
Я да грудзей прытульваю.

Пакінуць водгук

Дурнічка,я прачытаў (запоем)

Алег Буйніцкі, Чт, 02/21/2013 - 20:46

Дурнічка,я прачытаў (запоем) "І долей века цягнецца дзень", яшчэ тады,калі ты,напэўна,шчэ і не нарадзілася. Бо нейкі час гэты твор хадзіў па СССР у "падпольным" варыянце "самвыдавецтва", як і многія іншыя творы іншых аўтараў таго часу. Так, "манкурт" - гэта у любой краіне. Толькі ж ты "АН,Чт" кажаж дурную рэч - маўляў Айтматаў пісаў ГЭТА пра беларусаў.
А калі па-вялікаму, дык не беларусы ТУТ "манкурціруюць", а прыўлыя бяз роду,бяз племені "шурыкі".

адказаць

"Дурнічка", "хлапца,які з

Андрусь, Пт, 02/22/2013 - 15:07

"Дурнічка", "хлапца,які з глузду з'ехаў клічуць
АРСЕНіЙ. А мяне - АЛЕГ". і тп.,-Буйніцкі. Што, гэта ва ўсіх членаў "ГАЎ-праўды" Някляева такая культура на босую нагу? Толькі ХАМ можа ТАК абражаць на форуме беларусаў. Таму Алег Буйніцкі, так і падпісвайся: Хам Буйніцкі, а не Алег.

адказаць

"Андрусю" Так-так... я з

Алег Буйніцкі, Пт, 02/22/2013 - 16:16

"Андрусю" Так-так... я з вёскі... "дзяроўня" - так мяне абражліва звалі ганарлівыя менскія рускамоўныя за маю вясковую гаворку, таму, канешне - ХАМ.
У літаратуры беларускай Хам болей дастойны чалавек,чым нейкія паны Андруські.
Па-першае,калі чалавек аніяк сябе не акрэслівае, акрамя шыфру,мянухі тыпа "госць", ці як нехта той-тая пад мянухай "АН,Чт",дык як жа да гэтага "тварэння" звяртацца?
Па-другое,абразамі займаешся ты,Андрусік. Бо я ўжыў толькі адно слова "дурнічка", так у мяне на вёсцы ласкава казалі пра "глупенькую" дзяўчынку. Якая тут абраза?
Па-трэцяе.А пры чым Я - і "Гаў-праўда" Някляева? Вось уразумець бы?
Ніколі там ня быў і ня буду. Не таму,што да іх дрэнна адношусь, адношусь абыякава -
нецікавы мне яны, а таму,што я не састаяў і не састаю ў партыях, "таварышчаствах",
суполках і т.д. Я -сам па сабе. Чалавек.
А вось ты,Андрусік,бачу "засланец" (не засранец,а засланец) з мэтай гадасці тварыць вакол творчасці. Бо брэшаш і не чырванееш... Яно ж канешне, віртуальная гадасць невядомага чалавека - не наказуема. Лепей пачытаў бы мае вершы, можа тады табе крыху сорамна стане...

адказаць

беларускіх "дзевачак глупых",

Андрусь, Пт, 02/22/2013 - 18:28

беларускіх "дзевачак глупых", "дурнічак" ТУТ на сайце не бачу--за выключэннем адной дзевачкі: ХАМА БУЙНАЯ

адказаць

і зноў жа,пакуль я быў на

Алег Буйніцкі, Сб, 02/23/2013 - 00:13

і зноў жа,пакуль я быў на сустрэчы "Купалаўская ноч" у музэі Янкі Купалы, ты, Андрусік,зноў як тая маленькая шаўка -Гаў!Гаў!
Напішы нешта добрае,ці абразь мяне з майстэрствам паэтычным...
Ня даў Бог табе гэтага... Спачуваю,бо і памрэш такім на ўзроўні малпачкі...

адказаць

А чаму так здарылася, як вы

Александр, Чт, 02/21/2013 - 01:42

А чаму так здарылася, як вы разумееце?
Чаму усе здарылася менавiта так, а не iнакш?
Чаму людзi самi не ждадаюць i не выдаюць роднай мовы?
Чаму гэтая сапрауды цiкавая, прыгожая i гучная вельмi мова страчвае свой кошт?
Тая мова, у якой нават няма нiякiх мацерных слоу...
А адказ - у тым напрамку палiтыкi, якi i праводзiць наша улада.

адказаць

Выдатны твор, выдатнага

Госць, Сб, 03/10/2012 - 19:57

Выдатны твор, выдатнага мастака

адказаць

Чытаеш, а гэдак моташна на

Якім Пратасеня, Ср, 01/04/2012 - 20:47

Чытаеш, а гэдак моташна на сэрцы, гэдак і завівае нешта, шчыміць... Мова нашая ціхая, яна пахавалася ў кніжках, бо стамілася ад знявагаў і цкавання. Зрабем ёй палацы ў нашых душах і розумах! Ціха, лагодна, спакойна... Каб не турбаваць яе ўжо, каб прытуліць родную, нашу любую.