Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Краіна Белая ў белым

Сярэдняя: 2 (1 голас)

Пануе моцная завея,
Пайшлі ў скокі віхуры.
Хоць дзіўнаватая падзея,
Бо сакавік ужо на двары.

Як да вяселля маладая
Шукае самы лепшы строй -
Празрысты вэлюм выбірае
І адкідае - не, ня той!

Перад люстэркам яна танчыць,
Хвальбоны-хмары развяла.
Такой шчаслівай сябе бачыць,
Якой ніколі не была!

Яе малітва і надзея
Ляцяць да самай Вышыні:
Не шкадавала каб завея
Уратавальнай Чысціні.

І раптам - усё: вятры прыціхлі,
Прабіўся сонечны прамень -
У ім апошнія сняжынкі
Каштоўна аздабляюць дзень.

Нібы музыка дзесь нясмела
На старадаўні лад гудзе...
Краіна Белая ў белым
Шляхетна пад вянец ідзе.