Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Краю, Краю мой мілы!

Сярэдняя: 4.5 (2 галасоў)

Краю, Краю мой мілы!
Дарагі мне да слёз.
Маіх продкаў магілы
Ў вяночку бяроз.

Палявая дарога
І масток праз ручай.
Маці плач ля парога,
Ад растання адчай.

І ўдзячны я тату,
Што давесці мне змог,
Каб Радзіму і хату
Шанаваў ды бярог.

Даў мне лёс шлях далёкі
Да чужых гарадоў,
Але, мой сінявокі,
Я вярнуся ізноў.

Стану тут хоць травінкай,
Хоць лісточкам малым,
Ці то кветкай-былінкай
На прасторы тваім.