Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Лета маленства

Сярэдняя: 4.6 (27 галасоў)

Крыніцы, жыта, лес і неба,
І многа, вельмі многа сонца!
Баравікі пад колер хлеба
І павуціна на сасонцы.
А часам грукат навальніцы –
Усё наўкол шуміць і плача.
Узоры піша бліскавіца,
Гарохам дождж
Па стрэхах скача!
І каляровая вясёлка
Успыхне раптам над ракою,
І – луг зялёны ля пасёлка,
І дзед з бліскучаю касою.
…Перад вачмі ўсплывае гэта –
Ці ява ўсё, ці толькі сніцца?
Плыве рамонкавае лета,
Я прыпадаю да крыніцы…