Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Мая родная мова

Сярэдняя: 4.5 (15 галасоў)
Мая родная мова – калыска, У якой мяне гушкала маці – Калыхаючы песеннай нізкай, Навяваючы сон немаўляці. Нада мной рассыпаліся гукі, Вадаспадам мелодый луналі, А матуліны цёплыя рукі Нібы спевы, мяне абдымалі. Мая родная мова – акенца, Праз якое я згледзеў юнацтва І ў сусвет адчыніў свае сэрца, Каб жыцця вечным вучнем застацца. І, каб чэрпаць са скарбніцы ведаў І празрыстай крыніцы маралі, Я пявучымі словамі зведваў Скарб, што продкі мае назбіралі. Мая родная мова – куточак, У якім я, напэўна, не першы Столькі дзён бедаваў, столькі ночак, Насычаючы думкамі вершы. Праліваў, бы віно, адчуванні, Марнаваў, як карцела, паперу – Адлюстроўваў у творах каханне Маляваў свет надзеі ды веры. Мая родная мова – прасторы Беларускай зямлі сінявокай, Дзе нябёсы глядзяцца ў азёры, Вадасховішчы, рэкі, пратокі. А вакол – мілата прыгажосці: Пералескі, лясы і дубровы. Не апець Беларусь маю госцю, Без пявучых эпітатаў мовы! Мая родная мова – прытулак, У якім я шчаслівы заўсёды – Незалежна ад межаў няўтульных, Ад свавольнага густу і моды. Я і зараз у ім радасць маю, І па скону душу супакою. А пакуль што – жыву, і кахаю, І валодаю мовай сваёю… 29.11.2010 Nike Air Max