Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Мой скарб

Сярэдняя: 4.4 (15 галасоў)

Як і кожны ў маёй старане,
я багацце нязмернае маю.
Ды не ў грошах,
не ў золаце – не!
У любові да роднага краю.

Гэты скарб не схаваны ў зямлі,
не закуты ў іржавай скарбонцы.
Ён вясною з адталай раллі
узнімаецца рунню да сонца.

Не кладзецца ў далярах на стол
І працэнтаў мой скарб не прыносіць.
Ён пладамі даспелымі ў дол,
рэха будзячы, бумкае ўвосень.

Скарб той крыецца ў кожным кутку
неабсяжнай маёй Беларусі.
Рады я дружбаку, земляку,
З ім пароўну багаццем дзялюся.

Беларусь!
Узараную,
дымную,
у лістоце бяроз і дубоў –
абдымаю цябе,
неабдымную,
ты – багацце маё і любоў.



Помогите пожалуйста, напишите

Помогите пожалуйста, напишите кто нибудь "Водгук"на этот стишок пожалуйста прошу всех кто знает пишите и быстрее пожалуйста

Каб быў гэта "стишок"то можа

Каб быў гэта "стишок"то можа й надрукаваў бы,але ж гэта верш таму прабачайце.

Каб быў гэта "стишок"то можа

Каб быў гэта "стишок"то можа й надрукаваў бы,але ж гэта верш таму прабачайце.