Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Мой век

Сярэдняя: 4.5 (15 галасоў)

Болем агучыць зямныя вякі
Ён, ад пажараў чорны.
Гойстрыя смерць шчэрыць клыкі —
Пякельны,
Пячорны.

Сталлю не раз дратаваў і сек,
Полем здзічэўшы мінным.
У душагубках звозіў калек —
Маторны,
Машынны.

Дыхае ўдушшам нямых мегатон
Прывід вайны шкілетны.
Свет на прыцэле трымае ён,
Радарны,
Ракетны.

Ззяблая знічка ўначы ўпадзе,
Згасне ў бруі крынічнай.
Зорнай няўжо узвіцца бядзе,
Век мой касмічны?

Шар мой зямны, у прожылках рэк
Лёг ты, як ноша, на плечы.
Колькі вякоў зберагу я за век,
Век чалавечы?