Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Паэтычны хулахуп

Сярэдняя: 5 (2 галасоў)

Прапаную вам свабоду –
слухаць мову й размаўляць –
і ад вершаў асалоду,
як ад мёду, атрымаць.

Ці вы згодны? Я параю
завадатара свайго.
У сасмяглым нашым краі
сёння нельга без яго.

Ён – гарэза! Хоць не першы
і не класік (гэта – факт :-)),
ды яго жывыя вершы
лечаць кому і інфаркт.

Паспяхова ліквідуюць
мноства болек і хвароб.
Не выносяць творчасць тую
ні бацыла, ні мікроб.

Ад паэта перасмешак
гіне самы жорсткі грып.
І павучыць, і суцешыць
суперлекар – новы тып.

Твор пачуеш – не забудзеш
аніводнага слаўца.
Зацікавіліся, людзі?
А пазналі малайца?

І дзядулі, і бабулі,
і унукі, і бацькі
знаюць Віктара Жыбуля.
Ён адзін у нас такі.

Ён – паўсюдны, ён – вядомы.
З ім сустрэча – талака,
на якой безмоў’я кома
уцякае з языка.

У Жыбуля – лепшы ў свеце
паэтычны хулахуп:
і жыўцом, і ў Інтэрнэце –
зазірніце на YouTube!

9.03.2014



Спадабалася! (першая палова

Спадабалася! (першая палова верша:)