Яшчэ адна малая планета
ўключана ў касмічны мемарыял
астэроідаў, якія носяць імёны
выдатных людзей. Міжнародны
планетны цэнтр зацвердзіў яе
назву – Уладвысоцкі.
З газет
Прэч, лакеі з прысоскамі
Афіцыйнай гідлівасці,
Ад планеты Высоцкага
І яго справядлівасці...
Муза словам і голасам
Не блішчэла аблашчана.
Ён зярняткам у коласе,
Што завецца славяншчынай.
Прэч, замшэлая гвардыя
Немастацкай законнасці.
Дагулялі мы картамі
Асабістай суконнасці.
Не ўдалося вам Пушкіна...
Як і нашага Быкава.
І Высоцкі дапушчаны
Да Сузор’я Вялікага...
Прэч, лакеі з прысоскамі
Афіцыйнай гідлівасці,
Ад планеты Высоцкага
І яго справядлівасці...
Шкада, што паэт пайшоў з
Шкада, што паэт пайшоў з жыцця маладым...