Песні, знайце, - сэрца дар
Шанаваць іх трэба.
Янка Купала
Туман як вэлюм бальны.
Плывуць у свет ад лодак
Па плыні вод Купалля
Вянкі мелодый.
Прыслухацца не лішне –
Пра дабрабыт забудзеш
Пад падэспань калішні
І беларускі бубен.
Я песні маладыя
Вітаю без папрокаў,
Ды не згубіць бы тыя,
Што ў нас гучаць ад продкаў.
Дык будзь жа ты разумны,
Сучаснік, і ашчадны,
Каб голас скрыпак сумных
Далёкі чуў нашчадак...