Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Школьны аўтобус

Яшчэ не ацэнена

Школьны аўтобус

Засланы ў школу шлях зімой,
як столік гаспадыняй, –
зімой да школы да самой
аўтобус нас падкіне.

Жывеш ці з сынам, ці з дачкой –
дамчыць усіх без “коскі”.
Бліжэй становяцца да школ
аддаленыя вёскі.

Ля школы – снежная гара.
Не пройдзе і сахаты.
Урокі скончаны – пара
аўтобусам дахаты.

Саням яго не замяніць.
Залазім, склаўшы кніжкі.
Дзіцячым голасам звініць
салон ад пераклічкі.

Спыняецца ля нашых хат
і раніцай, і ўвечар.
У ім завеям не шугаць.
У ім – нібы ля печак.

У школу не ідзём зімой
па першай каляіне –
зімой да школы да самой
аўтобус нас падкіне.