Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Сакавіцка-хмельнае

Сярэдняя: 5 (1 голас)
О, як салодка ранкам сакавіцкім напоі сцюжы весняй смакаваць – смактаць паветра, моцнае, як віскі, і ап’яняцца сонцам і вятрыскам, бы каньяком армянскім – зорак пяць. І ціха млець ад ззяння дыяментаў – капежных сокаў з бутляў ледзяшоў, і адчуваць на вуснах смак абсенту, і наталяцца радасцю дашчэнту, і спазнаваць да існага любоў. Пасля сысці ў настоеныя рэшткі лясных іголак, лісця і галля і, заблукаўшы ў трох ствалах ад сцежкі, адведаць пах настойкі Белавежскай і зразумець, як кружыцца зямля. А на пахмелле вечарам празрыстым з замілаваннем цешыцца гульнёй у ручаях шампаніста-ігрыстых бліскучых рыбак – промняў залацістых – і апівацца весняй цеплынёй. 19.03.2013 Jordan Flight Luxe