Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Сустрэча з сынам

Сярэдняя: 1.5 (2 галасоў)

Сустрэча з сынам

Знаёмы страх, прайшла як аперацыя,
Такое ўжо было ў маім жыцці.
Вакол пах лекаў—боль, рэанімацыя,
Мне выпаў лёс праз гэта зноў прайсці.

Марудна, як тады, ідуць хвіліны.
Трызнення тлум сцішае крыху боль.
Сустрэне муж са службы сёння сына,
А я ў палаце…вывучаю столь.

Адна-другую думкі паганяюць,
Да выпіскі яшчэ так многа дзён.
Дзесяткі вёрст з сям’ёю раздзяляюць,
Прыслухалася—звоніць тэлефон.

Дзяжурны ўрач мяне аклікнуў ціха,
Вам муж прасіў пра сына расказаць…
Трывала боль, ад крыўды ў слёзы мігам,
Што не змагла салдата я абняць.

Прабач, сынок, што побач няма маці,
Не пахнуць з цёплай печы пірагі.
Хацелася б сустрэцца ў роднай хаце,
А не ў бальніцы з сынам дарагім.

2000 г.