Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Сябрам ківаю галавою...

Сярэдняя: 4.6 (9 галасоў)
Сябрам ківаю галавою,
Развітваюся з бальшаком.
Сцяжынкай вузкай палявою
Спяшу дадому пешаком.

Іду між смолак і званочкаў,
Дзе б’юць крыламі матылі,
І не магу
               душу	
                        і вочы	
Красой забытай наталіць.	

I хочацца	
	       раскінуць рукі	
I моўчкі кінуцца ў траву,	
Забыўшы болі ўсе і мукі,
Паклаўшы ціш пад галаву.		
	
I ўбачыць зноў,
                        як	
	                      каля хаты	
Хаваецца ў дрымотны цень,	
Як бацька,
                ціхі і вусаты,	
Крыху ссутулены
                         ячмень.	
	
А потым	
	    выбегчы знянацку
Да хаты
             з засені бяроз
I на двары
                аклікнуць бацьку
I маці,
          светлую ад слёз.	
Womens Running Shoes


Верш цудоўны!Дзякуй

Верш цудоўны!Дзякуй Вам.Заўсёды прыемна чытаць Вашы творы.Бо калі ў паэта думкі светлыя-- то і вершы атрымліваюцца такімі ж светлымі, здольнымі натхняць.