Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Табе ізноў, каханая, не спіцца?...

Сярэдняя: 5 (5 галасоў)

Табе ізноў, каханая, не спіцца?
Усё гуляюць думкі ў чахарду?
Ты мне дазволь – і я бяду-начніцу
з чароўных веек чарамі звяду.

З тваіх вачэй з амаль кацінай ласкай
зганю бяссонне ў кут, нібы клубок,
і прамурлычу зманлівую казку –
што без цябе і я заснуць не мог.

Пасля сваймі абдымкамі сагрэю
і туманом дрымотным абаўю.
І папрашу падмогі у Марфея:
“Закалышы любімую маю!”

Няхай твой сон ахоўвае да ранку
маё цяпло і хвалі калыханкі…

15.10.2013