Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Ты напішы мне ліст па-беларуску

Сярэдняя: 5 (2 галасоў)

Ты напішы мне ліст па-беларуску
Я буду кожны дзень яго чытаць
З шырокай брамы выйду я да вузкай
Па-беларуску з Богам размаўляць

Ты прачытай мне верш на роднай мове
Яго ў сваёй душы я зберагу
Ён прарасце пралескаю у рове
Вясной на цёплым сонячным баку

Ты заспявай мне песню, што спявала
Бабуля нам, зусім яшчэ малым
Тады нам слухаць часу не хапала
Ну а цяпер – ў душы адзін палын

Ты размаўляй са мной, як размаўлялі
Калісьці нашы слаўныя дзяды
Каб яны нас здалёку бласлаўлялі
Каб мы жылі у свеце заўсягды

Ты напішы мне ліст па - беларуску
З глыбокай, сівай, слаўнай даўніны
З шырокай брамы выйду я да вузкай
і зазваню што сілы у званы