Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

У туманнай рані ліхтары

Сярэдняя: 3.5 (2 галасоў)

У туманнай рані ліхтары,
Ды сонца на ўсходзе,
Напеў вясенняе пары
Мяне шчаслівым робяць.

Брыльянты водблескаў ракі,
Спрытнай вады гамонка.
Шэпт ветру з жытам гаваркім,
Спеў салаўіны звонкі.

Салодкі бляск тваіх вачэй,
Што скарб кахання тояць,
Жаданне ўбачыць іх хутчэй
Мяне шчаслівым робяць.

Таемных зорак дзіўны пляс
У цудоўным карагодзе,
Іх позірк, што змяняе час
Мяне шчаслівым робіць.

Акраец хлеба, свежы мёд,
Сямейныя вячэры,
Успаміны маладых прыгод,
Дзіцячыя намеры,

Яшчэ мільёны іншых спраў,
Мільёны простых рэчаў,
У якіх я шчасця не шукаў,
Бо яно ў іх спрадвечна.