Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Вечны вандроўнік

Сярэдняя: 3 (2 галасоў)

Памяцi Язэпа Драздовiча

Пад сонцам
I пад Шляхам Млечным
Дарога сцелецца радном.
Няспешна йдзе
Вандроўнiк вечны
Мастак, паэт i астраном.

Старонкi роднай краявiды
Так западаюць у душу, –
Ў яго малюнках сакавiтых
Дуброў з гаямi чуцен шум...

Як знахар той збiрае зёлкi,
Фальклор збiрае ён для нас,
Каб не згасалi ў нас вясёлкi
I адступаўся змрочны час...

Хоць i яму парой трывожна,
Калi звер-вецер аж раве...
Iдзе наш слаўны падарожнiк,
Жыццё складаючы, як верш.

Гудуць здарожаныя ногi
I посах стомлены гудзе...

...Вандроўнiк вечны
Шляхам Млечным
Ў стагоддзi новыя
Iдзе...