Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Вязынка

Сярэдняя: 1 (1 голас)

Вязынка – само спявае слова,
У зенiце жаўранкам звiнiць,
Рэчкай, што прадзецца адмыслова,
Як майго народу песня-нiць.

Тут i рэчка Вязынкай завецца, –
Звязвае з мiнуўшчынай сабой.
I трапечуць жаўранкамi сэрцы,
У якiх спрадвечная любоў

Да сваёй зямелькi шматпакутнай,
Што Купалу – шчодры дар – дала, –
Вязынка – на карце кропка – тут нам
Велiчнаю зоркаю ўзышла.

Вязынка – жалейкаю ўсёроўна
Грае слова шчасцем i журбой...
Вязынка, трывалай нiццю кроўнай
Беларусы звязаны з табой!