Я шукаю цябе,мае шчасце.
Мо,згубілася ты ў лясах?
Можа,вецер паспеў цябе скрасці?
Мо,у птушыных знайду галасах?...
Калі чуеш мяне,адгукніся
Той бярозкай,што ў полі стаіць,
Светлым промнем мне ранкам вярніся.
Аб табе мае сэрца баліць.
І цнатлівасць пялесткаў рамонкі-
Напамінак шчымлівых начэй,
І расчуленай рэчкі ў гамонцы
Бачу я пару сініх вачэй.
Правядзі ты мяне той сцяжынкай,
Дзе сустрэцца змаглі б мы з табой.
Скалыхні ў прывітанні галінкай
Толькі мне на хвілінку адной.