Я ЎСЛАЎЛЯЮ ЖАНЧЫН.
Дзень жанчын запрашае мяне да пяра,
Напісаць дыфірамб. І папера гатова.
Гэта значыць, сяброўкі,- прыйшла зноў пара
Для майго паэтычнага слова.
Я магу ўспамінаць пацалункі ў цішы
І чаканні каханай... Паслухай! -
Лепш я тут напішу пра парывы душы
І пра тое, што сэрцам падслухаў.
Кожны з нас, маладых і дарослых, мужчын
Адчуваў у жыцці Вашу ласку,
Меў нагоды і колькі сапраўдных прычын,
Каб назваць Вас Багіняй і Казкай.
Вы нясеце ў сабе дабрабыт і пакой,
У вачах Вашых свеціцца сонца.
Прыгажосць Ваша кліча, вядзе за сабой,
Вымагае любіць, шанаваць Вас бясконца.
Нараджаеце нам Вы дачок і сыноў,
Вашы мудрыя планы сямействы трымаюць.
І ў дзень Вашага Свята сваім вершам ізноў
Я ўслаўляю жанчын!
Хай збываецца ўсё. што яны загадаюць!
2015, сакавік.