Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Яшчэ не пачаўся снежань

Сярэдняя: 5 (1 голас)

Яшчэ не пачаўся снежань
А снег на зямлю ўжо лёг
Нібыта у полі вежу
Пабачу цябе здалёк

Пабачу цябе прыгожай
З чырвоным адценнем шчок
Зноў сэрца сабе ўстрывожу
Блакітам ў тваіх вачох

Пабачу цябе ўсміхнёнай
Усмешка твая – як снег
Я ёй на жыццё натхнёны
Яе палюбіў навек

А побач з табою –дрэва
Ўсё поўнае снегіроў
Вось іх нам на ёлку б трэба
Ўзамен каляровых шароў

Такою цябе пабачу
Як дваццаць гадоў таму
Узрадуюсь і заплачу
Ды й сам не пайму – чаму