Заспаная раніца мжыстая...

Каб дадаць спасылку
на Ваш сайт, пiшыце ў
зваротную сувязь

Заспаная раніца мжыстая,
На фарбы і гукі скупая.
Нібыта сцяжынаю мшыстаю,
Прыціхлай зямлёю ступаеш.

I вёдры прыглушана бразгаюць
Каля адсырэлае студні,
Лісцёваю дыхае брагаю,
Пакутуе восень застудай.

Цыбатай нагой жураўлінаю
Імшарамі верасень крочыць.
Ад кіслых прысмак журавінавых
Заплюшчыла сонца вочы.

Цвітуць успаміны верасам.
Няяснае мроіцца-сніцца.
I моцна жадаецца-верыцца,
Што ўсё да паўдня праясніцца.

Госць, Ср, 10/29/2014 - 20:32

добра

Госць, Ср, 05/02/2012 - 17:32

греет душу...

Госць, Вт, 02/07/2012 - 19:44

сваеасаблiвы верш..)

Госць, Ср, 03/14/2012 - 09:30

Школьная программа

Госць, Чт, 02/17/2011 - 19:41

велиши выдатны верш!

Вершы беларускіх паэтаў