Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Жыві, калі ласка, каханне

Сярэдняя: 3.7 (3 галасоў)

Жыві, калі ласка, каханне

Як лёгка згубіць каханне
Ў юначых ранімых сэрцах,
І зробіцца ноччу ранне,
Замуцяцца воч азерцы.

І знікнуць усмешкі з вуснаў,
І змрок на іх душы ляжа.
Нямала ўсялякіх глупстваў
Сёй-той наўздагон ім скажа.

Прыпеў:
Жыві, калі ласка, каханне,
Хай будзе ў вачах любых ззянне,
Хай усіх, каго шчасце спаткае,
Нядобрая зайздрасць мінае.

Усё людзі чуюць і бачаць,
Каханню няма прытулку.
І сэрцы ў разлуцы плачуць,
І просяць сэрцы ратунку.

У зласліўцаў адно жаданне,
Ды ім яно адгукнецца…
Як лёгка згубіць каханне,
Як цяжка з ім потым стрэцца.

Прыпеў:
Жыві, калі ласка, каханне,
Хай будзе ў вачах любых ззянне.
Хай усіх, каго шчасце спаткае,
Нядобрая зайздрасць мінае.

2000г.