Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Аляксандр Быкаў

Яшчэ не ацэнена

Снежань

Снежань бясснежны,
Зоркі-калючкі.
У золкім бязмежжы
Ўсё не-па людску.

Ўсё недарэчна,
І не фартова.
Згорблены плечы,
Страчаны словы.

Лёсу скрыжалі
Сэрцам збалелым
Перамяшалі
Чорнае з белым

Там, за парогам
Хаты прадзьмутай,
Шэрань-аблога --
Як перад смутай ...



Сярэдняя: 4.8 (5 галасоў)

Мроіцца...Быццам бы рэшткі сноў...
На вушаку струхнелым
Маці у свята Трох каралёў
Крыжыкі крэсліць мелам.

А за акенцам -- белы прасцяг,
Неўтаймавана крохкі,
Ды снегіры,як крыві Хрыста
Вечна жывыя кроплі...