Белы снег на далоні трымаю

Каб дадаць спасылку
на Ваш сайт, пiшыце ў
зваротную сувязь

Белы снег на далоні трымаю,
Растае ён у халодны ручай,
Быццам родную мову губляю,
У сэрцы гнеўны боль ды адчай.

Хаты, дрэвы, поле, дарогу -
Завіруха ўсе замяла.
Уся зямля, як і родныя словы,
У выгнанні чакаюць цяпла.

Ледзяныя сняжынкі завеі
Аплявухай кладуцца на твар.
Не халоп я баяраў з расеі,
Я зямлі сваёй вольны спадар

Сню, як хуткія рэчкі
У шэры лёд скавала зіма,
Быццам стогн цяжкі чалавечы
Пад тым лёдам схавала яна.

Неспакой на душы і трывога
У маім сне як і у жыцці.
Льецца песня аднекуль з усходу
Родных слоў у ёй не знайсці.

І здзічэлыя белыя коні
Праляцяць звонкім гімнам вясне.
Сэрцу блізкая гэтак пагоня
Усё далей і далей ад мяне.

Госць, Вт, 01/17/2012 - 18:48

вместо того, чтобы заниматься шовинизмом, сочинил бы стихи во славу дружбе народов.

Госць, Вт, 02/01/2011 - 00:12

А пра маскалёў гэта дарэчы.
Паслухай рэпера Вінцэнта"Слава героям".На Youtobe ёсць.

Госць, Сб, 01/29/2011 - 18:46

Больш аптымізму!

Госць, Сб, 01/29/2011 - 18:45

Напішы што-небудзь пра чарнобыльскую атруту!

Госць, Сб, 01/29/2011 - 23:15

Які вакуум? Паглядзі, колькі паэтаў, колькі вершаў на гэтым сайце. Мора... Не, акіян!

Госць, Сб, 01/29/2011 - 23:17

Гэта я хацеў сказаць таму, хто падпісаўся ніжэй. Sorry... :)

Госць, Сб, 01/29/2011 - 18:43

Някепска!!Думаю што ты,Алесь праз гадоў 5 запоўніш той паэтычна-празаічны вакум нашай Радзімы,вольнай Радзімы.
Жыве Беларусь!!!