Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Чую я як Радзiма кахае

Сярэдняя: 4 (4 галасоў)

Зоры ў небе начным зiхацяць
I гаворку вядуць мiж сабою.
Дзе ў высi бяздоннай ляцяць
Мае думкi ўсьлед за табою.

Вецяр моўчкi кране валасы,
Свежым подыхам дзьмухне ў твар.
Не запамятаваць мне красы,
Якiм Бог надзялiў твой абшар.

Сьпевы птушак абудзяць душу,
Месяц высьвяцiць шлях на вадзе.
Цераз лес я сьцяжынку знайду,
Што да Немана хутка вядзе.

Там убачу, як у вадзе
Месяц з зорамi лёгка лунае.
Толькi там i болей нiдзе!
Чую я, як Радзiма кахае...