Дзед Мароз

Каб дадаць спасылку
на Ваш сайт, пiшыце ў
зваротную сувязь

Ходзіць дзед белабароды
Полем, лесам, пералескам,
Засцілае рэчкі лёдам,
Брыльянцістым снежным блескам.

Сыпле іней на бярозы,
Туліць дрэвы лёгкім пухам,
Крые руні, травы, лозы
Белай посцілкай-кажухам.

Дзеда ўсюды носяць ногі,
І к нам прыйдзе на хвілінку
Адпачыць крыху з дарогі,
Важна сеўшы на ялінку.

А ялінка!.. Чаго толькі
На яе няма галінках!
Свецяць зоркі і вясёлкі
У бліскучых павуцінках.

Тут лісічка, зайчык, мышка,
Рыбкі, буслік доўгавязы.
А як ззяюць на ёй шышкі,
Нібы ў іх гараць алмазы!

Каля ёлкі карагоды,
Песні, гутарка жывая,
А той дзед белабароды
Толькі ў вусы смех пускае.

Дык рассунем кола шырай,
Патанцуем на памосце,
Песняй звонкай, песняй шчырай
Прывітаем дзеда-госця.

Госць Вольга, Чт, 12/24/2015 - 10:00

Якия прыгожыя нашы беларуския вершы!!!

Воля, Сб, 01/10/2015 - 05:47

Якi цудоуны верш! Вывучылi з дачкой на калядную ялiнку!

Лявон, Пн, 01/07/2013 - 21:37

Прыемна чытаць такия вершы.
Лявон.

Госць, Вс, 12/30/2012 - 10:50

Якiя цудоуныя вершы!

Госць, Вс, 12/09/2012 - 13:59

добры верш

Госць, Вс, 02/19/2012 - 19:12

ддощзхтхих

Hunter, Пт, 02/10/2012 - 12:29

В моем сборнике 1969 года это стихотворение называется "Дзед-госць".

Алексей, Пн, 11/18/2013 - 21:33

Многие стихи переименовывали или просто называли по 1 строке, это не играет особой роли