Вершы беларускіх паэтаў

Нацыянальны паэтычны партал

Уваход

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Храбрасць, смеласць, мужнасць, адвага...

Сярэдняя: 4.3 (4 галасоў)
Храбрасць, смеласць, мужнасць, адвага, Непахіснасць, рашучасць... — ? Няўжо Не мужчыны стаялі пад сцягам На ахове сваіх рубяжоў? I няўжо не яны ў паходы, А жанчыны ішлі? Бо наўрад Сталі словы жаночага роду Ў гэты рад проста так — на парад... Выпадковасць? Няхай выпадковасць... На мінулым нейкіх замкоў, Што трымаюць сэнс патаемны Ў кожным слове — загадкай вякоў. Як гісторыю не падцікоўвай — Ёсць схаваны стагоддзямі свет. Выпадковасць? Няхай выпадковасць — Можа, ў ёй найвялікшы сакрэт. Бог прыдумаў ход геніяльны — Як у шахматах Карпаў ці Таль: Быў Адам фігуркай глінянай I застаўся ёю амаль... А астатняе ўсё ад жанчыны — I задумы, і кожны ход... Ёсць на свеце ўсяму прычыны. Ёсць? А раптам наадварот? Помста, злосць, крывадушнасць, здрада... Хопіць, хопіць — аж вусны звяло, — Зноў спіхнуць на таемны выпадак Ці згадзіцца: «Было ўсё, было...»? Сэрцу вусцішна і няўтульна, Розум холадам набрыняў... Як ратунак словы прытульваю: Чысціня, цеплыня, дабрыня. I надзея, і радасць, і памяць Той вясны, што нам крылы дала, Толькі тут. I нішто не спаліць Гэту вечнасць, якой Ты была. Ты са мною — і свет не загіне. Да грудзей прыпаду галавой — Не багіня, а берагіня, Абярэжніца, бераг мой.Nike Air Flight Huarache


красиво

красиво

Крута! :) Вось загадка дык

Крута! :) Вось загадка дык загадка: і, сапраўды, чаму ўсё добрае жаночаго роду?!

Васіль,многа загадкавых рэчаў

Васіль,многа загадкавых рэчаў ў літарах,складах,словах і гуках...
Паглядзі на Стихи.ру (таму што на рускай мове)мой верш "Игра слов".

www.stihi.ru/2011/10/27/5812

www.stihi.ru/2011/10/27/5812 - вось яна ўся праўда пра "літаратурнасць" мовы! Мне вельмі падабалась:)

Я там якраз (планамерна і з

Я там якраз (планамерна і з прысучым мне занудствам) чы(с)тку і правожу:)

А адкуль такі капялюш

А адкуль такі капялюш Барскага? Няўжо у самого іспі(пардон! 3,14)лі?!

*Баярскага

*Баярскага

Васіль,капялюшы (чорнага

Васіль,капялюшы (чорнага колеру)мой даўні смак. А калі я быў даволі маладым ды "патлатым",тады Баярскі(я з ім знаёмы,таму што кінематаграфіст)шуткаваў:
-"Олег,или твой отец погулял в Ленинграде,или мой увлкся в Могилёве".
Бо длінавалосы ў капелюшы і з вусамі... Мы былі Вельмі падобны адзін на другога,
ды й зараз не моцна адрозніваемся,калі ўглядзецца.

Ух ты! Здорава! І сапраўды

Ух ты! Здорава! І сапраўды адрозніваецесь... не моцна:)
А чаму я, "дзярэўня"!, не ведаю Вашых фільмаў? Ці ведаю, але не дагадваюсь? :(