Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Хто сваю не шануе вясну

Сярэдняя: 3.7 (3 галасоў)

Хто сваю не шануе вясну

Ва ўспамінах красуня-вясна,
І гадкоў маю я толькі восем.
І бягу ўсім насустрач вятрам,
Як далёка яшчэ мая Восень.

Загадзя не прывыклі лічыць
Мы памылкі свае і сумненні.
Спадзяёмся ў шчасці пражыць,
Перад лёсам не стаць на калені.

І каб лёс не пакінуў адну,
Мы кахання цяпло ў сэрцы носім.
Хто сваю не шануе вясну,
Будзе мець неўраджайную Восень.

Вось бы тут прызадумацца нам:
Вельмі хуткі жыцця рух спрадвечны
Дзе тут пойдзеш насустрач вятрам.
Жыць бы ціха жыццём чалавечым.

Я рукой на няўдачы махну,
Маем часта не тое, што просім.
Хто няўдзяна пакрыўдзіў Вясну,
Сваю стрэне бязрадаснай Восень…

2000 г.