Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Магніт

Сярэдняя: 5 (2 галасоў)

Часамі прагну многага.
Ці будзе з працы плён?
Не разгубіць бы роднага,
Знаёмага здавён.
 
Кагосьці слепіць рэчамі
Шматпавярховы быт,
А я хачу
         пад Рэчыцу,
Дзе так даўно не быў.
 
Даволі жыць на ростанях.
Патупаю наўпрост
Да разумення простага
Туды,
     дзе сам прарос.
 
Адкіну ўсе абстракцыі
З пражытага жыцця,
Каб зліцца з сельскай працаю
І сэнсам жыць зліцця.
 
Здаюцца недарэчнымі
На вуліцах агні.
Мяне сяла пад Рэчыцай
Прыцягвае магніт.