Месца сустрэчы нязьменна,
З сонцам вясновым, ці сьнегам –
Пункт прыбыцьця-адпраўленьня,
Альфа твая і амега:
Звонка імкнуцца трамваі,
Дрэмлюць у скверы анёлы,
Нешта ізноў паўтарае
Дыктаркі стомлены голас,
Чэргі таўкуцца ля крамаў,
Гукі рынгтонаў і мату,
Варта праходзіць ля брамы
У камуфляжных бушлатах,
Дробненька сыплецца дожджык
Па навакольных кварталах...
Зь вежы на мокрую плошчу
Зьнічкаю ўпаў недапалак.