Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

НезаВершанасьць

Сярэдняя: 5 (3 галасоў)

Недапісана, незавершана, няскончана,
Існаваньне нашае неапраўдана,
Ні сэнсоўна, ні існасна не аплачана,
Не з’яўляецца ні плёткаю, ні праўдаю.

І ня тымі бакамі, ня тымі напрамкамі,
Ня з тымі чаканьнямі і ня з тым настроем,
З пастаяннымі страхамі выйці за рамкі
І з бястактным сядзеньнем у вечным спакоі

Мы бадзяем-блукаем бясконцымі лябірынтамі
Безнадзейна ў надзеі знайсьці патрэбнае,
І пры гэтым патрэбы робячы мітамі,
У памылках сваіх зьвінаваціўшы неба ганебнае.

Са зьдзіўленьнем ў вачах, не паверыўшы існасьці,
Выпадкова змешваем усьмешку з плачамі,
Ды жыцьцё нашае, пэўна, такое сьціслае,
З-за таго, што яшчэ незавершана і пакуль неаплачана.