Вершы беларускіх паэтаў

Нацыянальны паэтычны партал

Уваход

Апошнія водгукі

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Паміраюць вёскі

Сярэдняя: 4.7 (3 галасоў)

Паміраюць вёскі…
Паміраюць вёскі… Паміраюць
Без чумы, бяз мору, без вайны.
Цэлыя сузор’і патухаюць
Назваў вёсак роднай стараны.

Дубавое, Пірагі, Мартасы,
Стаськава, Трубіліна, Дубкі…
Не прапалі за ваенным часам,
Зьніклі з мапы ў мірныя вякі.

Быццам невядомая навала
Ўвасабленьне незямнога зла
Рукі-ногі паралізавала,
У магілы ўсіх людзей зьвяла.

Гракава, Пажарышча, Заходна,
Хізава, Шкалёўка, Баркуны…
Хто натхняльнік той антынароднай
Дзікай неаб’яўленай вайны?

Адкажыце ж мне: калі, нарэшце,
Над краінай зашуміць вясна,
Спыніцца праклятае нашэсьце,
Скончыцца бясконцая вайна?
21.05.2013