Трайны санет з двайным кодам
Граматыкі вучыць — карысна для паэта
найгорш, здаецца мне — віно і піва піць
і досціп засушыць — без роздуму і мэты
пражыўшы, нібы ў сне, — дзе хмель штодня кіпіць,
хто з слоўнікам карпіць — той пазнае сусветы
той час няплённа жне — хто з дзеўкамі грашыць
жыцця парвецца ніць — і залатой ранетай
яно сарвецца ў снег — у пекла заляціць;
а праца — гэта твой — найпершы паратунак
падман з усмешкай злой — дае заўжды ласунак
здароўе нішчыць ён, — такі адвечны кон,
таму прымі, як дар — нялёгкую навуку
свой пачуццёвы жар — хутчэй аддай на муку
і атрымаеш плён: — пачуеш вершаў звон.
Шыкоўна! Дасціпна, гулліва,
Шыкоўна! Дасціпна, гулліва, насмешліва,
змястоўна, падспудна, цнатліва і грэбліва.
Вы геній!
Вы геній!
Сэнс жыцця
Сэнс жыцця